Všycki ty nakupni centra sóm bezvadně połožóne, že se do ku nim přifrčeć autami, busami a duchodci mogóm frajersko zajechać s nakupnimi vozičkami až do svojich kvartyróv a houmlesacy zaparkovać vozički v blizkich zběrnych surovinach..
U každego obchoďaku nóm postavili kruhače, tak jagby gdo potřebovoł do autoškoły nacvičit kryncyni volantym vlevo, tak tam može jezdić v kółko Macieju.
My to tu mómy tak přemyślane, že jak přijyždžocie od Ciešyna, tak vTescu (www.itesco.cz) abo Lidlu (www.lidl.cz) nakupicie jakisik melšpajz a hnedaj v Gigasportu (www.gigasport.cz) šaśniecie pinióndzami za fitness wercajk a kila sóm zaś nadole. Tymu se móvi Karviński obchodni recyklačni řetězec!
Gdybyśce přijechali z opačnego rychtungu – od Ostravy, tak naproti banhofu je šoping centrum s kaj čym – Hypernovóm a značkovymi sklepami głóvně na šmaty, šminki, buciska čy grački jako je C & A, New Yorker, ROSSMANN, Orsay, Hervis Sport, CCC boty, Datart, Pompo...je tu ale aji banka, (jagbyście to přegnali z nakupovańym, tak třa chodzić s kartami- gdo nimo, tak s čornóm kuklóm), potym ešče pucovalňa, pošta a T-mobile.
Hnedaj vedle postavili dalšóm šope (bo třa ludzi kapke pumpnyć a strkać pinióndze do stružoka se při inflacyji aji tak něvypłaco), kaj kupicie od jedzyňo přes škrpały po meble čy jakisik elektronicki pieróňstva v sklepach Humanic, Deichman, Penny market, OKAY, Kika. Všycko se to možecie pooglóndać na internecie www.ockarvina.cz
Na lazeňakóv čatujóm v marketu Kaufland http://www.kaufland-online.cz v Karvině Granicach a jagby jich něpochytali, tak něuniknóm středisku Permon. Do tego všyckigo se kónsek od tego stavio hypermarket Interspaar tak to ci lazeňacy borocy ani do gospody nědolezóm.
Ganz v centru u stadyjónu je ešče Prior www.prior.cz, no a jasny gvint že všelijaki tržnice a občas jacysik Ťamani.
A něśmiymy zapómnyč na kupe fajnackich małych kramkóv, kiere nejviyncyj ožyjóm před Vanocami krasnymi auzlagami..
