Ganc čynsto a bez přesiodaňo valóm busy jedyn za drugim do Bogumina, Českigo Ciešyna, Haviyřova, Ostravy, Orłovej, ku Werku čyli do Třiňca, Dómbrovej, Dzietmorek, Dolnej Lutyně, Piotrovic, Stonavy, Olbrachcic, Rychvołdu, Pětřvołdu, Górnej Suchej albo aji do Cierlicka.
A kómu to ně starčy, može kapečke dali, tak bajć linkóm přes Ołomóněc do Brna albo ku šumnym Beskidóm na Moravke čy poglyndzić po słoviynsku na Čadce..
A jak byście chcieli ešče kaj indzi, tóž to jedźcie ynym 20 kilometróv do Ostravy a tam ztela do całego świata. O stanovišču a spojach my dřistali vtym odstavcu o cugach..
Inačyj do centra miasta ježdžóm busy na linkach 512, 513, 514, 516, 519, 520 v rychtungu Karvina –Nove Miasto a vysiedniecie před Obchoďakym Prior.
Gdybyście šli piešo, to se račy dopytejcie a jak by nigdo něšeł, co by Vóm poradził albo byście potkali jakigosik mamlasa, co to něviy, tak idźcie od banhofu čy busovego stanoviščo přes Polňóm, potym přes Ostravskóm kolem Lodovego stadyjóna, za nim hnedkaj do prava do kopca přes Karola Śliwki a už ście sóm na rynku Masaryka. Cuzamyn dokupy je to od cugu takich 1250 metróv.
